0. SARRERA

Blog hau Metodologia Aktiboen inguruan garatu dugu, orientabide batzuk emateko asmotan.

Orain arteko metodoak irakaslearengan zentratuta zeuden bitartean, gaur egun, helbura bada kooperazioaren bidez lan egitea eta ikasketa esanguratsuak lortzea bizitza errealarekin zuzeneko lotura dutenak, ezin gara metodo tradizionaletan geratu.

Gainera, kontuan izan behar dugu edukinaz aparte, prozesua garrantzitsua dela.

Eta orain arte kognitiboari garrantzi nagusia eman diogun bezala, orain beste arlo batzuk ere izango ditugu kontuan: sozialak, afektiboak, emozioak...

Metodo hauek aplikatzeko garaian, irakaslearen izaera ere kontuan hartu behar da, talde handia edo txikia dugun, nola egin taldekatzea ikasleen iritzia kontuan izanda eta aldi berean oreka lortuz. Edo taldeak funtzionatzen ez duenean, eta gauzak pentsatzen ziren bezala ez doazenean, zer nolako esku-hartzea egin behar dugun. Hori egiteko, teoriaren laguntzaz aparte, irakaslea eguneroko esperientzietan izango du oinarri; azken finean, praktikatzen baino ez dugu ikasten.