1. IKASLEEN AUTONOMIA/AUTOERREGULAZIOA

Ikasle autonomoak garatu behar ditugu, bizitzan zehar ikasten jarraitu dezaten.

Ikasten ikasteko konpetentzia, ikaste esanguratsuarekin bat dator.

AUTOERREGULAZIOA: prozesu honen bidez, ikasleak bere ikaste helburuak finkatzen ditu eta bere kognizioak, motibazioak eta portaerak ezagutzen, kontrolatzen eta erregulatzen saiatuko da.

Autoerregulazio prozesuan bost elementu nagusi daude:

1. Ikasten duen subjektua: Zer da niretzako ikastea?

2. Egin beharreko jarduera: Zeintzuk dira helburuak?

3. Erabiliko diren estrategiak: Zein da modurik egokiena hau ikasteko?

4. Ikasketa prozesuaren erregulazio eta kontrola: Zer egingo dut lehenengo?

5. Autokontzientzia emozionala: Nola esan dezaket sentitzen dudana?

Horrela ikaslea:

- Bere helburuak zehazteko gai da.

- Bere gaitasunak eta ezagutzak ezagutzen ditu.

- Bere emozioak kontrolatzeko gai da.

- Automotibatzeko gai da, gogor lan egiteko.

- Giro egokia sortzen du.

Eta irakaslea:

- Ozenki pentsatzen du arazo baten soluzioa ikasleekin partekatzeko.

- Ikasleei galderak egitera bultzatzen die.

- Ikasleek ekoiztutako material desberdinak aztertzen ditu.

Ebaluazioari dagokionez:

Auto-informe galdeketak erabiltzen dira, eta baita "Think Aloud "protokoloa, behaketa neurriak eta jardueretan akatsak detektatzeko metodoak.